مصر میں غداری کے الزام میں الجزیرہ نیوز چینل کا صحافی گرفتار

مصر نے آج اس بات کی تصدیق کی ہے کہ الجزیرہ نیوز چینل کے ایک پروڈیوسر کو غداری کے الزام میں گرفتار کیا گیا ہے۔ مصر کی وزارت داخلہ کی جانب سے آج جاری بیان میں کہا گیا کہ محمود حسین نام کے اس پروڈیوسر کو جھوٹی خبر نشر کرنے اور شہریوں کی حفاظت کوخطرے میں ڈالنے کے الزام میں جمعہ کو گرفتار کیا گیا۔
الجزیرہ نے بعد میں آج ایک بیان جاری کرکے حسین کے خلاف لگے الزامات کو



مسترد کرتے ہوئے اسے جھوٹا الزام قرار دیا اور حسین کی فوری رہائی کا مطالبہ کیا ہے۔ چینل کے مطابق حسین چھٹی منانے کے لئے پر مصر گیا تھا، کسی دوسرے کام کے لئے نہیں۔ بیان میں کہا گیا حسین الجزیرہ عربی نیوز چینل میں ایک نیوز پروڈیوسر ہے، رپورٹر، سپروائزر نہیں جیسا کہ الزام لگایا گیا ہے۔ اگر وہ کسی غیر قانونی سرگرمی کو انجام دیتا تو مصر میں طیارہ کے ذریعے سفر نہیں کرتا۔